الـــوصيــــة

‎ ‎الوصيـــــــــــــــــه

قال الذي له تجارب مجربها‎
شرق وغرب وحاول ينتظم‎ ‎سيره‎

ماضي لياليه مطربته‎ ‎ومطربها‎
وتالي زمانه تحير في‎ ‎تفاسيره‎
‎
أنا أحمد اللة مضاريبي‎ ‎مصوبها‎
لو كان فيهاجهاله جات‎ ‎بالخيره‎
‎
غرتني أيام وقتي وأنشغلت‎ ‎فيها‎
وكنت أحسب الوقت بيديني‎ ‎وتدبيره‎

ومن عقب سن الاربعين صرت‎ ‎أحسبها‎
ودي أبين فوايد ماضي‎ ‎السيره‎
‎
وياقاري القصيد خذ نصيحه‎ ‎وأستفيدبها‎
والعاقل اللي تعلم من خطأ‎ ‎غيره‎
‎
أول وصــاتي صلاتك أد‎ ‎واجبها‎
ينـور جبينك بتهليله‎ ‎وتكبيره‎
‎
وارحامك اوصل بها لوشان‎ ‎جانبها‎
والضيف والجار من واجبك‎ ‎توقيره‎
‎
ولامن بغيت الولد فاحسن‎ ‎مناسبها‎
والعرق دساس لو بالخد‎ ‎تنويره‎
‎
ولا كل ماتطلبه نفسك‎ ‎تجاوبها‎
النفس تجذبك في نزله‎ ‎وتحديره‎
‎
والنفس في خلوتك وقف‎ ‎وحاسبها‎ ‎
والثوب لومايناسب فك‎ ‎أزاريره‎
‎
والناس لاتدري بحال تمر‎ ‎بها‎
خلك غني ولوماتملك‎ ‎الليره‎
‎
والناس لو تشتكي شي يحل‎ ‎بها‎
يمكن صحيح ويمكن فيه‎ ‎تغييره‎
‎
ولاتحسب الناس تسكت عن‎ ‎مطالبها‎
خلك مع الحق لو طالت‎ ‎مشاويره‎
‎
وانثاك لو تسالك في الحال‎ ‎جاوبها‎
عطها جواب وعندك يافتى‎ ‎غيره‎
‎
وياما من الناس لك ربع‎ ‎تصاحبها‎
تلقى بهم ناس اجاويد بهم‎ ‎خيره‎
‎
والانذال انا اوصيك بالك‎ ‎لاتقاربها‎
والرجل لا يخدعك لبسه‎ ‎وتصويره‎
‎
ودنياك لاتعتقد تصفى‎ ‎مشاربها‎
ومن عقب الارباح لاتامن‎ ‎مخاسيره‎
‎
هاك الوصية وانا بوصيك‎ ‎جربها‎
تلقى كلامي مثل ماقلت‎ ‎تفسيره

‎
‎
‎

وصايا جميلة

صح لسان قايلها وسلمت يمينك ع الاختيار

الله عليك يسلمووو على مثل هذي الوصايا النابعه الف شكر يا مبدع

وصايا رووووعه يسلمو 
ع طرحك الرائع ...